Александр Бублик US Open 2025 турнирінің үшінші айналымына жолдама алды, деп хабарлайды ulyssport.kz
Екінші айналымда қазақстандық теннисші Тристан Сколкейтпен (Аустралия) өткен кездесуде үш сетте 6:3, 6:3, 6:3 есебімен айқын ұтты. Осылайша Бублик жарыстың үшінші кезеңіне өтті.
Еске салайық, бірінші айналымда Александр Бублик хорват теннисшісі, экс-чемпион Марин Чиличті 6:4, 6:1, 6:4 есебімен сенімді түрде ұтқан болатын.
Сондай-ақ, бүгін АҚШ Ұлттық теннис орталығының кортында тағы бір спортшымыз Юлия Путинцева жекелей және жұптық сында өнер көрсеткен болатын. Өкінішке орай, Путинцева екі кездесуінде де жеңіліс тауып, турнирмен қоштасты.