Қазақстандық шахматшы Бибисара Асаубаева әлемдегі ең беделді жарыстардың бірі — Norway Chess Women 2026 турниріне алғашқы қатысушы ретінде тіркелді, деп хабарлайды Ulyssport.
БИБІСАРА ОСЛОҒА ЖОЛ ТАРТТЫ
Әйелдер арасындағы блиц-шахматтан қазіргі әлем чемпионы Бибісара Асаубаева Norway Chess Women 2026 турниріне ресми түрде жарияланған алғашқы ойыншы атанды.
ҮШ ДҮНИЕЖҮЗІЛІК ТИТУЛ ИЕСІ
21 жасында Бибисара үш мәрте әлем чемпионы атағын жеңіп алды. Ол әйелдер арасындағы блиц-шахматтан әлем чемпионатын 2021, 2022 және 2025 жылдары ұтып шықты.
ЕҢ ЖАС ӘЛЕМ ЧЕМПИОНЫ
17 жасында Бибисара тарихтағы ең жас блиц-шахмат әлем чемпионы ретінде Гиннес рекордтар кітабына енді. Сол жылы ол әйелдер арасындағы жылдам шахматтан әлем чемпионатында күміс жүлдегер атанды.
ЖАҢА ЖЕТІСТІКТЕР
2025 жылы Бибисара үшінші рет блиц-шахматтан әлем чемпионы атанып, гроссмейстер атағын алды. Сонымен қатар, Халықаралық шахмат федерациясының (ФИДЕ) 2026 жылғы әйелдер арасындағы Кандидаттар турниріне жолдама алып, рейтингте 2500 ұпай межесін бағындырды (ең жоғары көрсеткіші — 2513).
NORWAY CHESS WOMEN ТУРНИРІНДЕГІ ДЕБЮТ
Бұл — Бибисараның Norway Chess Women жарысына алғашқы қатысуы. Ол әйелдер арасындағы турнир тарихындағы ең жас ойыншы болып отыр.
ТУРНИР КҮНДЕРІ
Жарыс 2026 жылдың 25 мамыры мен 5 маусымы аралығында өтеді.