Кәсіпқой теннисшілер қауымдастығы (ATP) рейтингтерінің жаңартылған нұсқасы шықты, деп хабарлайды Ulyssport.kz.
Бірінші орынды италиялық Янник Синнер сақтап қалды. Екінші орында серб Новак Джокович, үшінші орында испандық Карлос Алькарас тұр. Ол финалда Джоковичті жеңіп, Уимблдон-2024 жеңімпазы атанды.
Қазақстандық теннисші Александр Бублик бір позициядан айырылып, 24-ші орынға түсті. Александр Шевченко 57-ші орыннан 56-шы орынға көтерілді. Михаил Кукушкин екі саты төмен түсіп, 135-ші орынға жайғасты. Денис Евсеев 160-орынды иеленді. Дмитрий Попко 36 позицияға көтеріліп, 186-орынға жайғасты.
Жұптық рейтингте бірінші орынды испандық Марсель Гранольерс пен аргентиналық Орасио Себальос бөлісті. Үшінші орында австралиялық теннисші Мэттью Эбден тұр.
Қазақстан өкілі Александр Недовесов 49-орынға түсті (-1), Бублик 131-орында қалды, Андрей Голубев он позициядан айырылып, 148-орынға түсті.