Қазақстандық жекпе-жек шебері Саламат Исбулаев Alash Pride FC турнирінде жеңіл салмақта уақытша чемпиондық титулды иеленді, деп хабарлайды Ulyssport.kz.
Ол жекпе-жекте бұрын жеңілмеген ресейлік Муслим Нурмагомедовты нокаутқа жіберді. Исбулаев жекпе-жекті екінші раундта техникалық нокаутпен аяқтады.
Бұл жекпе-жек бес раундқа жоспарланған болатын, алайда 27 жастағы Саламат кездесуді мерзімінен бұрын аяқтап, өзінің ММА мансабындағы алтыншы жеңісіне жетті.
Исбулаев барлық жеңістерін мерзімінен бұрын аяқтаған: үш рет нокаутпен және үш рет қарсыластарын берілуге мәжбүрлеген.