Бүкіләлемдік бокс ұйымы (WBO) орта салмақтағы әлем чемпионы Жәнібек Әлімханұлының чемпиондық атағын британиялық Хамза Ширазқа қарсы қорғайтынын ресми түрде мәлімдеді, деп хабарлайды Ulyssport.kz.
WBO-ның мәлімдемесіне сүйенсек, Жәнібек Әлімханұлы мен Хамза Шираздың командалары бүгіннен бастап 15 күн ішінде жекпе-жекке келісу керек. Егер қос боксшының командалары өзара келіспесе, жекпе-жек промоутерлік сатылымға өтеді.
Еске салсақ, бұған дейін орта салмақтағы Дүниежүзілік бокс ұйымы (WBO) WBO және IBF нұсқалары бойынша әлем чемпионына қазақстандық Жәнібек Әлімханұлын (16-0, 11 КО) қарсылас тағайындауға міндеттеген болатын.
4 қазанда Жәнібек Әлімханұлы жаңазеландиялық Андрей Михайловичті жеңіп, IBF чемпиондық атағын қорғаған болатын.