Қазақстанның футзалдан әйелдер құрамасы 2025 жылғы әлем чемпионатының негізгі іріктеу кезеңіндегі алғашқы ойынын Нидерланд командасына қарсы өткізді, деп хабарлайды Ulyssport.kz.
Ойын Астанада өтті және 6:0 есебімен нидерландтықтардың жеңісімен аяқталды.
Қазақстан құрамасы негізгі іріктеу кезеңінің жеребе тартуы нәтижесінде Нидерланд және Польша командаларымен бірге 6-топқа түскен еді. Топ жеңімпаздары элиталық іріктеу кезеңіне жолдама алады.
Қазақстан құрамасының келесі ойыны 19 қазанда Польшаға қарсы өтеді.
Әйелдер арасындағы футзал бойынша алғашқы әлем чемпионаты 2025 жылдың 21 қарашасынан 7 желтоқсанына дейін Филиппинде өтеді. Турнирге барлығы 16 команда қатысады, ал Еуропадан (УЕФА) төрт құрама іріктеледі.