Қазақстан Ұлттық Олимпиада комитетінің президенті Геннадий Головкин Instagram-дағы парақшасында World Boxing өткізген алғашқы әлем чемпионатына қатысты тарихи фото жариялады, деп хабарлайды Ulyssport.kz.
Ұжымдық фотода нақты кімдер екені айтылмаған. Дегенмен көпшілігінің мойнындағы медаліне қарап, олардың чемпионатқа қатысқан боксшылар мен олардың бапкерлері екенін аңғару қиын емес.
“World Boxing ұйымының ұйымдастыруымен өткен алғашқы әлем чемпионаты. Бұл сурет – тарихи сәт”, деп жазды Геннедий Головкин.
Еске сала кетсек, Головкин ХОК комиссиясының мүшесі болып тағайындалған еді.
ҚАНДАЙ ҰЙЫМ
World Boxing – 2023 жылдың сәуір айында құрылған халықаралық бокс федерациясы. Биыл қыркүйек айында Қазақстан осы ұйымға кіруге өтінім берді.
Бұған дейін Геннадий Головкин World Boxing олимпиадалық комиссиясының төрағасы болып тағайындалған.
Жуырда ҰОК президенті Геннадий Головкин Пуэблода (АҚШ) World Boxing ұранымен бокстан өткен бірінші U19 әлем чемпионатының салтанатты ашылу рәсіміне қатысқанын жазғанбыз.