Қазақстан бокс федерациясы ресми түрде World Boxing жаңа халықаралық ұйымының толыққанды мүшесі атанды, деп хабарлайды Ulyssport.kz.
Бұл шешім америкалық Колорадо-Спрингстегі World Boxing Халықаралық бокс федерациясының конгресі кезінде жарияланды. Өткен іс-шара аясында Халықаралық Олимпиада комитеті мақұлдаған World Boxing жарғысындағы өзгерістер де талқыланды.
Конгресс шеңберінде жарыстарды өткізу регламентіне өзгерістер қабылданды. Атап айтқанда, турнирлер жаңа салмақ дәрежесінде өткізілетін болады. World Boxing жаңа халықаралық бокс федерациясының мүшелері қатарына Қазақстаннан басқа Өзбекстан, Гватемала және Лаос қосылды.