Ақтөбе облысының дзюдошылары Қазақстан чемпионатының командалық есебінде жеңіске жетті, деп хабарлайды Ulyssport.kz.
Ақтөбеде дзюдодан ерлер мен әйелдер арасындағы Қазақстан чемпионаты аяқталды.
Турнирге Астана, Алматы, Шымкент қалаларынан және Қазақстанның 17 облысынан 510 дзюдошы қатысты.
– Жеке жарыс қорытындысы бойынша жеңіс тұғырында түрлі өңірлерден келген спортшылар көтерілді. Медаль есебінде 3 алтын және 1 қола медаль жеңіп алған Ақтөбеден келген дзюдошылар көш бастады. Жалпы есепте екінші орынды 2 алтын, 3 күміс және 2 қола жүлдемен Абай облысының командасы иеленді. Астаналық спортшылар 2 алтын және 1 қола жүлдеге ие болды, - деп хабарлады ҰОК.
Чемпионаттың соңғы күні командалық жарыстар өтті. Тартысты финалда Алматы командасы Алматы облысының дзюдошыларын 4:2 есебімен жеңіп, ел чемпионы атанды. "Қоланы" Атырау мен Қарағандыдан келген командалар жеңіп алды.
Чемпионат қорытындысы бойынша 2025-2026 спорт маусымына дзюдодан Қазақстан ұлттық құрамасының құрамы жасақталады.
Бұған дейін Ақтөбеде дзюдодан Қазақстан чемпионаты сенсациямен басталғаны хабарланған болатын.