Қазақстандық боксшы Садриддин Ахмедов (14-0, 12 КО) америкалық Рафаэль Игбоквемен (17-5, 7 КО) жұдырықтасты, деп хабарлайды Ulyssport.kz.
Бұл жекпе-жек Санта-Инездегі (Калифорния, АҚШ) Chumash Casino аренасында өткен бокс кешінің басты оқиғасы болды.
Ахмедов жекпе-жектің барынша басымдық танытып, жетінші раундта Игбоквені нокаутқа түсірді. Ахмедов-Игбокве бәсекесі әйгілі қазақстандық Геннадий Головкинмен ұзақ уақыт бірге жұмыс істеген промоутер Том Леффлердің 360 Promotions шоуы аясында өтті.
Ахмедов үшін бұл бокс кеші АҚШ-тағы екінші жекпе-жегіболды. Қазақстандық мұхиттың арғы бетіндегі дебюттік кездесуін тамыз айында өткізіп, жергілікті боксшы Антонио Тоддты (17-11, 9 КО) бірінші раундта нокаутпен жеңген.
Игбоквеге келетін болсақ, ол 2020 жылы Америка бокс федерациясының тұжырымы бойынша чемпиондық белбеуді жеңіп алса, 2023 жылы Исраил Мадримовтан (9-0-1, 6 КО) жеңіліп қалды.