Бір күн бұрын Түркияның «Бешикташ» футбол клубының жанкүйерлері «Аланьяспормен» матчта қазақстандық Бахтиёр Зайнутдиновты алмастырған конголық футболшы Артур Масуакуды ысқырықпен қарсы алып, алаңды азан-қазан қылды, деп хабарлайды Ulyssport.kz.
21 желтоқсанда «Бешиктас» - «Аланьяспор» матчының 70-минутында Бахтиёр Зайнутдиновтың орнына Артур Масуаке шықты, оның алаңдағы әрбір әрекетіне клуб жанкүйерлері наразылық білдіріп, аяғы допқа тиген сайын ысқырып отырды.
«Бешикташ» жанкүйерлері конголықтың сұрықсыз ойынына және жалақысының кешігуіне шағымдануына наразы. Мұның соңы клубты проблемаларға ұрындыруы, соның ішінде ұпайларын шегеру қаупін туғызуы мүмкін.
Ойын аяқталғаннан кейін Масуаку жанкүйерлермен сөйлескісі келді, бірақ оны «Бешиктас» қызметкерлері тоқтатты.
Клубтың техникалық менеджері Халим Окта жаттықтырушылар штабының конголықты алаңға шығаруды жоспарламағанын, бірақ Зайнутдиновтың жарақатына байланысты мұндай қадамға баруға мәжбүр болғанын айтты.
Матч 1:1 есебімен аяқталды.