UFC жеңіл салмақтағы қазақ жауынгері Асу Алмабаев (21-2) өзінің келесі жекпе-жегінде австралиялық Стив Эрцегпен (12-3) жекпе-жекке шығады, деп хабарлайды Ulyssport.kz порталы Sports.kz басылымына сілтеме жасап.
– Ресми! Наурыз айында UFC турнирінде dar Team Kazakhstan командасының жауынгері Асу Алмабаевтың (21-2, 4-0 UFC) қарсыласы – Австралиядан келген бұрынғы титулға үміткер Стив Эрцег (12-3, 3-2 UFC) болады, – делінген Асу Dar Pro Team компаниясының хабарламасында.
Алмабаевтың оралуы Лас-Вегастағы UFC Vegas 103 турнирі аясында 1 наурызға жоспарланған. Ол өзінің бұрынғы жекпе-жегін қазан айында өткізген, онда бразилиялық Матеус Николауды (19-5-1) төрешілердің бірауыздан берген шешімімен жеңген.