Астаналық «Барыс» хоккей клубы ҚХЛ тұрақты чемпионаты аясында Қазанның «Ақ Барс» командасына қарсы ойында қатарынан оныншы жеңіліске ұшырады, деп хабарлайды Ulyssport.kz.
Ойын сырт алаңда өтіп, драмалық овертайммен аяқталды.
Матч сақтықпен басталды: бірінші кезеңде екі команда да есеп аша алмады.
Екінші кезеңде астаналықтар ойынды қолға алғандай болды. Иван Николишин мен Кирилл Савицкий бір-бір голдан соғып, қонақтардың еңсесі тіктелді. Алайда Қазан шабуылының мықтылығын көрсетіп, үзіліске дейін тез арада тепе-теңдікті қалпына келтірді.
Үшінші кезең шешуші болды: Михаил Рахманов пен Әлихан Әсетов «Барысты» алға шығаруы мүмкін еді, бірақ ресейлік команда қарсыласының жеңіске жетуіне мүмкіндік бермей, есепті тағы теңестірді.
Тартысқа толы овертаймда Қазанның «Ақ Барысы» жеңіске жетіп, «Барысты» көптен күткен, қол жеткізгелі тұрған ұпайынан айырды.
«Барыс» үшін бұл жеңіліс қазірдің өзінде қатарынан оныншы жеңіліс болды. Команда кейбір сәтті эпизодтарға қарамастан маусымда күрделі қиындықтарды бастан кешіріп жатыр.
Еске сала кетсек, жуырда Қазақстан хоккейінің үздік ойыншысы болған Талғат Жайлауовтың "Барыс" клубындағы қызметінен кеткенін хабарлағанбыз.