Қазақстандық теннисші, әлемнің 175-ракеткасы Дмитрий Попко Мексиканың Морелос қаласында өтіп жатқан ATP Challenger 75 турнирінің турнирінің жартылай финалына жолдама алды, деп хабарлайды Ulyssport.
Попко ширек финалда әлемнің 155, жарыстың 3-ракеткасы, аргентиналық теннисші Хуан Пабло Фиковичпен шеберлік байқасты.
Қазақстандық теннисші қарсыласын 6:1, 6:1 есебімен ойсырата ұтты.
Матч 47 минутқа созылды. Осы уақыт ішінде Попко бес эйс жасап, тоғыз брейк-пойнттың бесеуін сәтті пайдаланды.
Қазақстандық теннисші енді финалға жолдама үшін әлемнің 162, жарыстың екінші ракеткасы, канадалық Алексис Галарномен кездеседі.