14 жастағы қазақстандық теннисші Ансар Ниетқалиев Еуропалық теннис қауымдастығының “Жылдың үздік шетел ойыншысы” (ЕО елдерінен тыс) марапатына ие болды, деп хабарлайды Ulyssport.kz порталы Olympic.kz сайтына сілтеме жасап.
2024 жылы Ансар жоғары нәтижелер көрсетіп, маусымды TE рейтингісінде 41-орында аяқтады.
Осы маусымда ол жекелей сында үш титул жеңіп алды: Түркиядағы Soul Cup Istanbul (екінші санат), Ankara Cup Ankara (үшінші санат), және Ergan Cup Erzincan (үшінші санат). Сонымен қатар жұптық сында екі рет жеңімпаз атанды, оның ішінде Soul Cup Istanbul турнирі бар. Жекелей сында тағы екі турнирдің финалисі болды.