BoxRec.com сайтының нұсқасына сәйкес қазақстандық кәсіпқой боксшылардың салмақ дәрежесінен тыс рейтингі өзгерді, деп хабарлайды Ulyssport.kz.
Тізімдегі көшбасшылық орын әлі күнге дейін IBF және WBO тұжырымдары бойынша орта салмақтағы әлем чемпионы Жәнібек Әлімханұлына (16-0, 11 КО) тиесілі. Ол өз дивизионында үшінші орында.
«Қазақтың нокаут патшасы» Сұлтан Зәуірбек (18-0, 13 КО) күтпеген жерден екінші орын алды. Ол екінші жеңіл салмақтағылар тізімінде 22-орында тұр.
Үздік үштікті Қазақстаннан шыққан соңғы Олимпиада чемпионы Данияр Елеусінов (12-0, 7 КО) түйіндеп тұр. Бірінші жартылай орта салмақта ол 15-ші орында.
Рейтингте келесі жартылай орта салмақтағы Батыр Жүкембаев (23-1, 17 КО) пен екінші орта салмақтағы боксшы Бек Нұрмағанбет (12-0, 10 КО) тұр.
Бұл ретте орта салмақтағы Мейірім Нұрсұлтанов (20-0, 11 КО) пен IBO тұжырымы бойынша жартылай орта салмақтағы чемпион Жанқош Тұраров (28-0, 20 КО) белсенділік танытпауына байланысты рейтингтен шығарылды.
Соңғы рет Нұрсұлтанов пен Тұраров өткен жылдың соңында рингке көтерілген.