Халықаралық теннис федерациясы ITF жасөспірімдердің рейтингін жаңартты, деп хабарлайды Ulyssport.
БЕЙРЕСМИ ORANGE BOWL ӘЛЕМ ЧЕМПИОНАТЫНЫҢ ЖҮЛДЕГЕРІ
17 жасар Әмір Омарханов жеке рейтингте 10-сатыға көтеріліп, қазір 4-орынға тұрақтады. Өткен маусымда Омарханов Бейжіңдегі J300 жеке турнирін және үш ірі жұптық сайысты жеңіспен аяқтады. Сонымен қатар оның қоржынында бейресми саналатын Orange Bowl әлем чемпионатының жүлдесі бар.
ҮШ БІРДЕЙ ТИТУЛ ИЕГЕРІ
Жасөспірімдер арасындағы әлемдік рейтингте бір саты көтерілген тенисші Заңғар Нұрланұлы. 16 жастағы қазақстандық қазір 38-орында тұр. Нұрланұлы 2024 жылы Измирде J100, Шымкентте J200 және Латвияда J100 жекелей сын титулдарын жеңіп алған.
ҮШІНШІ ҮЗДІК
Дамир Жалғасбай ТОП-100 қатарына өте жақын. Қазір ол 112 орында. Дамир өткен жылы Краков қаласында өткен турнирде жеңіске жеткен болатын.
Еске сала кетейік, Омарханов пен Нұрланұлы жақын арада Junior Australian Open турнирінің негізгі жеребесіне қатысады, ал оған дейін Австралияда Juniors J300 сайысында бақ сынайды.