Білікті спортшыларды даярлайтын ұйымдарға қыбалдаудағы жас ерекшелігі өзгеріс тапты, деп хабарлайды Ulyssport. Бұл туралы ҚР Туризм және спорт министрлігі ресми мәлім етті.
ОНДАҒЫ НЕГІЗГІ ӨЗГЕРІСТЕР:
"Грек-рим күресі: жастар жасы 18-23-тен 18-20 жасқа, ересектер жасы 23-тен 21 жасқа дейін төмендеді;
Дзюдо: жасөспірім шақ жасы 12-18-ден 13-17 жасқа, жасөспірімдер жасы 18-21-ден 18-20 жасқа, жастар жасы 21-23-тен 21-22 жасқа дейін төмендеді:
Шорт-трек: балалар жасы 7-10-нан 5-7 жасқа дейін, жасөспірімдер жасы 11-15-тен 8-15 жасқа дейін қысқарды" делінген министрлік мәлімдемесінде.
Айта кетейік, сондай-ақ балалар мен жасөспірімдер спорт мектептерінде, ерекше жандарға арналған мамандандырылған мектептерде оқитын 18 жасқа дейінгі балалар үшін жас шектеулері алынып тасталды.