Дохада (Қатар) WTA-1000 категориясындағы (хард) турнир өтіп жатыр. 12 ақпанда Елена Рыбакина үшінші айналым матчын өткізді, деп хабарлайды Ulyssport.
Қатарда өткен ширек финал матчында Қазақстанның бірінші ракеткасы Рыбакина әлемдік рейтингте 46-орында тұрған Ребекка Шрамкованы (Словакия) жеңді. Матч нәтижесі 7:6 (7:1), 6:2 есебімен аяқталды.
Матч 1 сағат 24 минутқа созылды. Осы уақыт ішінде Рыбакина төрт эйс жасап, екі қосарлы қателік жіберіп, жеті брейк-пойнттан төртеуін жүзеге асырды. Шрамкованың есебінде екі эйс, екі қосарлы қателік және үш брейк-пойнттан екі жүзеге асырылды.
Дохадағы "мыңдық" турнирінің жартылай финалына шығу үшін Елена Рыбакина Линда Носкова (Чехия) және Ига Швёнтек (Польша) арасындағы матчтың жеңімпазымен кездеседі.